२७, चैत, बाँके । आठौँ राष्ट्रिय खेलकुद प्रतियोगिताअन्तर्गत हक्की खेलमा नेपाल आर्मी र गण्डकी प्रदेश बराबरीमा रोकिएका छन् ।
आजदेखि प्रदेश पाँचमा सुरु भएको आठौं राष्ट्रिय खेलकुद प्रतियोगिताको हक्की खेलमा आर्मीले गण्डकी प्रदेशसँग गोलरहित बराबरी खेलेको हो ।
दुबै टिमले गोल गर्न नसकेपछि १-१ अंक बाँडेका छन् । २८ चैत (बिहीबार) पहिलो खेल गण्डकी प्रदेश र नेपाल पुलिस, दोस्रो खेल नेपाल आर्मी र दुई नम्बर प्रदेश तथा तेस्रो खेल कर्णाली प्रदेश र सुदूरपश्चिम प्रदेशबीच प्रतिस्पर्धा हुनेछ ।
आठौं राष्ट्रिय खेलकुद प्रतियोगिताअन्तर्गत हक्की खेलको सेमिफाइनल खेल वैशाख तीन गते हुनेछ । फाइनल खेल भने ४ बैशाखमा हुनेछ ।
आठौं राष्ट्रिय खेलकुद प्रतियोगिताको उद्घाटन खेल भने बैशाख पाँच गते हुदैछ ।
