२७ चैत, काठमाडौं । जुगल हिमश्रृङ्खला अन्तर्गत ६ हजार १ सय ५१ मिटरको उचाइँमा रहेको ग्यालजेन पिक हिमाल आरोहणमा गएका तीन सहयोगी सम्पर्कमा आएका छन् ।
हिमाल आरोहीलाई सहयोग गर्न गएका तीन जना बुधबार विहानदेखि सम्पर्कविहीन भए पनि साँझ सम्पर्कमा आएका हुन् ।
सगरमाथा आरोही माया गुरुङको एभरेष्ट वुमन ट्रेकबाट आरोही टोली जुगल आरोहणमा गएको थियो । सो ट्रेक कम्पनीकी जेस्ना खड्काले दिएको जानकारी अनुसार ग्यालजेन पिक आरोहणबाट क्याम्प वानमा फर्केपछि गाडीएको डोरी निकाल्न जाने क्रममा उनीहरु हराएका थिए ।
उनीहरु हराएपछि खोजी सुरु भइरहेका बेला सम्पर्कमा आएका हुन् । उनीहरु सम्पर्कमा नआएको भए काठमाडौंबाट हेलिकोप्टेर मगाएर उनीहरुको खोजी गर्ने तयारी थियो ।
