१० असोज, काठमाडौं । इरानले अमेरिकासामु केही सर्त पूरा भए एक साताभित्र स्ट्रेट अफ होर्मुज पुनः खोल्ने प्रस्ताव गरेको छ ।
इरानका विदेशमन्त्री अब्बास अराग्चीले शुक्रबार संयुक्त राष्ट्रसंघको मुख्यालयमा पत्रकारहरूसँग कुराकानी गर्दै यस्तो जानकारी दिएका हुन् ।
उनका अनुसार अमेरिकाले सम्झौतामा उल्लेख गरिएका आवश्यक सर्त पूरा गरेपछि होर्मुज जलडमरू खोल्ने प्रक्रिया सुरु हुनेछ । तर, उनले ती सर्तको विस्तृत विवरण भने सार्वजनिक गरेनन् ।
अराग्चीले ती सर्त यसअघि जुनमा अमेरिका र इरानबीच भएको समझदारीपत्र (एमओयू) मै उल्लेख गरिएको बताए ।
उनले अब निर्णय गर्ने जिम्मेवारी अमेरिकाको भएको स्पष्ट पारे । उनका अनुसार इरानको प्रस्ताव कतारमार्फत अमेरिकासमक्ष पठाइएको छ ।
इरानको प्रस्तावबारे अमेरिकी अधिकारीले बीबीसीलाई दुई देशबीच मध्यस्थकर्तामार्फत सकारात्मक संवाद भइरहेको बताएका छन् । उनका अनुसार उक्त संवादमा आणविक मुद्दासमेत समावेश छन् ।
के थियो अमेरिका–इरानबीचको समझदारी ?
अमेरिका र इरानबीच जुन १८ मा भएको १४ बुँदे एमओयूको उद्देश्य युद्धविराम लागू गर्नु र होर्मुज जलडमरूलाई आंशिक रूपमा खोल्नु थियो ।
समझदारीमा इरानले आणविक हतियार हासिल नगर्ने विषय समावेश थियो । साथै अमेरिका, इरान र उनीहरूका सहयोगी पक्षबाट सबै मोर्चामा सैन्य कारबाही अन्त्य गर्ने उल्लेख थियो ।
एमओयूमा अमेरिकी नौसैनिक नाकाबन्दी अन्त्य गर्ने तथा इरानमाथि लगाइएका प्रतिबन्धमा राहत दिने प्रावधानसमेत राखिएको थियो ।
यो खबर पढेर तपाईलाई कस्तो महसुस भयो ?
खुसी
दुःखी
अचम्मित
उत्साहित
आक्रोशित
प्रतिक्रिया
Hot Properties
%20-%20Copy.jpg "House for Sale at Siddhipur")
%20-%20Copy.jpg "House for Sale at Cozy Homes, Imadol")
.jpg "Bungalow House for Sale at Bhandari Marg")
.jpg "House for Sale at Imadol")
.jpg "Bungalow House for Sale at Dholahiti")
प्रतिक्रिया 4