२८ चैत, बुटवल । बुटवलका कालिकानगरस्थित एक रेष्टुरेन्टमा बुधबार राति आगलागी भएको छ ।
कालिकापथस्थित गणेश पन्तको घरको दोस्रो तलामा रहेको ड्याडी किचन (रेस्टुरेन्ट) मा आगलागी भएको हो ।
रेस्टुरेन्टको फ्रिजको तार सर्ट भएर भएको आगलागीबाट करिब ५ लाख बराबरको सामान क्षति भएको वडा प्रहरी कार्यालय बुटवलले जनाएको छ ।
समयमै पुगेको दमकल र स्थानीयको सहयोगले आगो नियन्त्रणमा आएको वडा प्रहरी कार्यालय बुटवलका प्रमुख प्रहरी निरीक्षक हेमबहादुर केसीले जानकारी दिए ।
