२०७५ चैत २८ गते १९:२७ 
२८ चैत, सिन्धुपाल्चोक । सिन्धुपाल्चोक सदरमुकाम चौतारामा जारी दोस्रो मेयर कप फुटबलको उपाधि अन्नपुर्ण क्लब (आरसीटी) ले जितेको छ ।
सदरमुकाम चौतारा स्थित टुँडिखेलमा भएको फाइनल भिडन्तमा आरसीटीले त्रिभुवन आर्मी क्लबलाई १–० ले हराउँदै उपाधिसहित ५ लाख ५ हजार रुपैयाँ पाएको हो । उपविजेता त्रिभुवन आर्मीले २ लाख ५ हजार रुपैयाँ पायो ।
खेलको ३३ औं आरसीटीले पाएको फ्रि किकमा अजित गुरुङले गरेको गोल नै निर्णायाक बन्यो । उनी प्रतियोगिताको सर्वाधिक गोलकर्ता हुँदै २० हजार रुपैयाँ पुरस्कार पाए । युथ राइजिङ खेलाडीको उपाधि चौतारा युथ टिमका सञ्जय विष्टले पाए ।
बिजेता टिमलाई सुकुटेमा सञ्चालित माया बीच रिसोर्टको प्रायोजनामा एक रात बासको प्याकेजसहित सुनकोशी नदीमा र्याफ्टिङको व्यवस्था पनि गरिएको आयोजक तोप २१ का अध्यक्ष अशोक कार्कीले जानकारी दिए ।
चैत १५ देखि सुरु भएको प्रतियोगितामा ए डिभिजनका क्लबसहित विभिन्न जिल्लाका गरी १२ टिमको सहभागिता रहेको थियो ।
प्रतिक्रिया 4