२०८३ असोज ११ गते १८:३२ 
News Summary
Generated by OK AI. Editorially reviewed.- जापानमा जारी २०औं एसियन गेम्सअन्तर्गत पुरुष ८ सय मिटर दौडमा नेपालका सोमबहादुर कुमाल हिट चरणबाटै बाहिरिए।
- नागोया सिटी मिजुहो पार्क एथलेटिक्स स्टेडियममा भएको पहिलो हिटमा सोम १ मिनेट ४८.९५ सेकेन्डसहित पाँचौं भए।
- सोमले आफ्नो व्यक्तिगत रेकर्ड सुधार गरेका छन्।
११ असोज, काठमाडौं । जापानमा जारी २०औं एसियन गेम्सअन्तर्गत पुरुष ८ सय मिटर दौडमा नेपालका सोमबहादुर कुमाल हिट चरणबाटै बाहिरिएका छन् ।
जापानको नागोया सिटी मिजुहो पार्क एथलेटिक्स स्टेडियममा भएको ८ सय मिटरको हिटको पहिलो चरणमा ७ जना दौडिएका थिए । जसमा सोम पाँचौं बने ।
जापानका को ओचियाइ एक मिनेट ४५.९० र कतारका अबुबाकर अब्दल्ला एक मिनेट ४६.५३ सेकेन्डमा दुरी पूरा गर्दे दोस्रो चरण प्रवेश गरे । एक मिनेट ४७.६२ सेकेन्डमा पूरा गर्दै कुवेतका इब्राहिम अल्जोफाइरी तेस्रो स्थानमा रहँदै दोस्रो चरणमा छनोट भए ।
नेपालका सोमले एक मिनेट ४८.९५ सेकेन्डमा निर्धारित दुरी पूरा गर्दै पाँचौं स्थानमा रहे । हिट चरणको समग्रमा सोम आठौं भए । जहाँ २१ जना सहभागी भएका थिए ।
उनले आफ्नो व्यक्तिगत रेकर्डलाई भने सुधार गरेका छन् ।
प्रतिक्रिया 4