२२ वैशाख, काठमाडाैं । नेपाल राष्ट्र बैंकको ६४ औं वार्षिर्कोत्सवका अवसरमा नेपालगञ्जमा आयोजित अन्तरबैंक फुटसल प्रतियोगिताको उपाधि कैलाश विकास बैंकले जितेको छ ।
शनिबार भएको फाइनलमा एसबीआई बैंक लिमिटेडलाई ३-० ले पन्छाउँदै कैलाश विजेता बनेको हो ।
नेपाल राष्ट्र बैंकका गभर्नर डा. चिरञ्जीवी नेपालको प्रमुख आतिथ्यमा फाइनल खेल भएको थियो । विजेता कैलाश विकस बैंकले ट्रफीका साथ २५ हजार नगद र प्रमाणपत्र प्राप्त गरेको छ । यसैगरी उपविजेता बनेको एसबीआईले ट्रफीसहित १५ हजार नगद र प्रमाणपत्र पाएको छ ।
प्रतियोगितामा कैलाश विकास बैंकका रमेश बोहरा सर्वोत्कृष्ट खेलाडी चयन भएका छन् । सर्वाधिक गोलकर्ता मेगा बैंक लिमिटेडका वीरेन्द्र बहादुर चन्द बने । उनले प्रतियोगितामा १८ गोल गरेका थिए । उत्कृष्ट गोलकिपर एसबीआईका दिनेश चटौत छनौट भए ।
विजेता, उपविजेता, उत्कृष्ट खेलाडी, प्रायोजक र सहभागी टिमर्लाइ गर्भनरले नगद पुरस्कार, ट्रफी, प्रमाणपत्र तथा प्रशंसा पत्र प्रदान गरेका थिए ।
यो प्रतियोगिताको आयोजना नेपाल राष्ट्र बैंक कर्मचारी संघले गरेको हो । प्रतियोगितालाई भार्गव विकास बैंकले प्रायोजन गरेको थियो । 
