काठमाडौं । विश्वकप क्रिकेटमा न्यूजिल्याण्डले श्रीलंकालाई १३६ रनमा अलआउट गरेको छ ।
कार्डिफमा टस हारेर ब्याटिङ गरेको श्रीलंकाको सुरुवात निकै खराब रह्यो । मात्र चार रन जोड्दा लाहिरु थिरिमानेलाई गुमाएको श्रीलंकाले २९.२ ओभरमा १३६ रन बनाउँदा सबै विकेट गुमायो । उसका लागि कप्तान दिमुथ करुणारत्नेले अविजित ५२ रन बनाए पनि अरु ब्याट्सम्यान चल्न सकेनन् ।
उसलाई सस्तैमा समेट्ने क्रममा म्याट हेनरी र लोकी फर्गुसनले समान ३–३ विकेट लिए ।
