२२ जेठ, बुटवल । विश्व वातावरण दिवसको अवसरमा बुटवल उपमहानगरपालिका-१ मा रहेको मणिमुकुन्द सेन उद्यान फूलबारीमा १ सय बिरुवाहरु रोपिएको छ ।
मानवअधिकार तथा शान्ति समाज रुपन्देहीले आँप, कटहर, नीम, धुपी, फूलहरुलगायत प्रजातिका बिरुवाहरु रोपेको हो ।
कार्यक्रममा बोल्दै मानवअधिकार तथा शान्ति समाजका केन्द्रीय बरिष्ठ उपसभापति गोबिन्द खनालले प्रकृतिको संरक्षणले मात्र मानव जीवनको अस्तित्व रहने बताए ।
मणिमुकुन्द सेन उद्यान फूलबारीका अध्यक्ष खेम लुइटेलले फूलबारीको योजनामा पनि बृक्षारोपण रहेको भन्दै समाजले थालेको कामको प्रशंसा गरे ।
बृक्षारोपणमा बुटवलको अक्सबृज टेक्निकल कलेजका बिद्यार्थीहरुले पनि सहयोग गरेका थिए ।
