३ असार, काठमाडौं । विश्वकप क्रिकेटमा इंग्ल्यान्डका कप्तान इयोन मोर्गनले शतक प्रहार गरेका छन् ।
अफगानिस्तानविरुद्ध टस जितेर पहिले ब्याटिङ गरेको इंग्ल्यान्डका लागि कप्तान मार्गनले शतक प्रहार गर्दै टिमलाई ठूलो स्कोरतर्फ लगेका हुन् । विष्फोटक ब्याटिङ गरेका मोर्गनले ५७ बलमा शतक पूरा गरे ।
उनले ११ छक्का र तीन चौका प्रहार गरे । मोर्गनले यसअघि पनि जारी विश्वकपमा शतक प्रहार गरेका थिए । यो उनको दोस्रो शतक हो ।
