विकसित देशहरुमा सहरी सार्वजनिक यातायातको सबैभन्दा प्रचलित माध्यम बनेको मेट्रो रेलमा अनेक खालका सुविधाहरु प्रदान गरिन्छ । रुसको मस्कोमा रहेको मेट्रो रेलले चाहीँ गज्जबको अफर चलाइरहेको छ, जुन सोसल मिडियामा भाइरल बनिरहेको छ ।
मेट्रो रेलको फ्री टिकट पाउनकालागि यात्रुहरुले केवल ३० पटक उठबस गरे पुग्दछ ।
उक्त अफर अनुसार दुई मिनेट भित्रमा ३० पटक उठबस गर्नसक्ने व्यक्तिले मेट्रो रेलमा सित्तैमा यात्रा गर्ने अवसर पाउँदछ ।
जनताहरुलाई आफ्नो स्वास्थ्यप्रति सजग गराउनका लागि यस्तो निर्णय गरिएको हो ।
अहिले मस्कोको उक्त स्टेशनमा सित्तैमा टिकट पाउनका लागि मान्छेहरु उठबस गरिरहेका भिडियोहरु सोसल मिडियामा यत्रतत्र फेला पार्न सकिन्छ । टिकट मेसिनको अगाडि ३० पटक उठबस गरेसँगै मेसिनले एउटा टिकट उपलब्ध गराउँदछ ।
स्मरण रहोस् रुसको राजधानी मस्को मोटोपन भएका मानिसहरुको सहरमा सबैभन्दा अग्रस्थानमा आउँदछ । त्यसले मानिसहरुको मोटोपना घटाउनका लागि सरकारको यो कदम निकै नै उत्कृष्ट मानिएको छ । एजेन्सीको सहयोगमा