२४ साउन, काठमाडौं । संयुक्त राष्ट्र संघको घोषणाअनुसार हरेक वर्ष ९ अगस्टमा विश्व आदिवासी दिवस मनाउने गरिन्छ । नेपालमा पनि शुक्रबार विभिन्न कार्यक्रम गरेर यो दिवस मनाइँदैछ । २५ औं विश्व आदिवासी दिवसको नारा छ ‘आदिवासीका भाषाहरू’ ।
नेपाल आदिवासी जनजाति महासंघले यो वर्ष आन्दोलनका रुपमा दिवस मनाउने घोषणा गरेको छ । शुक्रबार आदिवासी जनजाति समुदायले भृकुटीमण्डपबाट सुरु गरेको र्याली त्रिपुरेश्वर, थापाथली हुँदै माइतीघर मण्डलामा आई सभामा परिणत भएको थियो ।
आदिवासी जनजाति समुदायले परम्परागत साँस्कृतिक पोशाक लगाएर र्यालीमा सहभागी भएका थिए ।