४ भदौ, काठमाडौं । राष्ट्रिय प्रजातन्त्र पार्टीले मंसिर १४ गते हुने संघ, प्रदेश र स्थानीय तहको उपनिर्वाचनको तयारी गर्न प्रवक्ता नीलकण्ठ काफ्लेलाई संयोजक तोकेको छ ।
निर्वाचन आयोगले मिति तोकिसकेकाले निर्वाचनको आवश्यक तयारी गर्न एवं निर्वाचनलाई व्यवस्थित र प्रभावकारी ढंगबाट परिचालन गर्न काफ्लेलाई संयोजक तोकेको प्रचार विभाग प्रमुख मोहन श्रेष्ठले जानकारी दिएका छन् ।
