११ भदौ, काठमाडौं । कांग्रेस निकट पत्रकारहरुको संस्था नेपाल प्रेस युनियनको महाधिवेशन आगामी मंसिर २८ र २९ गते हुने भएको छ ।
युनियनको पदाधिकारीको बैठकले मंसिर २८ र २९ गते काठमाडौंमा महाधिवेशन गर्ने निर्णय गरेको हो ।
जिल्ला अधिवेशन भदौ महिनाभित्र सक्ने र मंसिर अन्तिममा केन्द्रीय महाधिवेशन गर्ने निर्णय पदाधिकारी बैठकले गरेको प्रेस युनियनका महासचिव अजयबाबु शिवाकोटीले जानकारी दिए ।
पदाधिकारी बैठकको यो निर्णयलाई काठमाडौंमा बुधबार साँझ बस्ने कार्यसम्पादन समितिको बैठकले अनुमोदन गर्ने उनले बताए ।
नेपाल प्रेस युनियनको स्थापना २०४८ साल जेठ १३ गते भएको थियो ।
