२४ भदौ, काठमाडौं । नेपालका स्पिनर सागर ढकालले एसीसी यू-१९ एसिया कप क्रिकेटमा यूएईविरुद्ध तीन विकेट लिएका छन् ।
उत्कृष्ट बलिङ गर्दै सागरले चार ओभरमा मात्र चार रन खर्चिएर तीन विकेट लिएका हुन् । उनले यूएईका तीनै जना ब्याट्सम्यानलाई एल्बिडब्लु आउट गराएका हुन् ।
उनले वि्रत्य अरविन्दलाई २८ रनमा, सायद हइदरलाई १५ र अन्श तान्दोनलाई १२ रनमा एल्बिडब्लु आउट गराए ।
यूएईको अहिले २२ ओभरको समाप्तिमा ४ विकेटको क्षतिमा ८३ रन भएको छ ।
यसअघि टस हारेर पहिले ब्याटिङ गरेको नेपालले निर्धारित ५० ओभरमा ९ विकेटको क्षतिमा २८५ रन बनाएको थियो । नेपालको उच्च स्कोर बनाउन कप्तान रोहित कुमार पौडेलले ६७, सन्दीप जोराले ४८, आशिफ शेखले ४५, राशिद खानले ४४ र कमलसिंह ऐरीले ४१ रन बनाएका थिए ।
