६ असोज, काठमाडौं । तेस्रो संस्करणको एभरेस्ट आमन्त्रण गल्फ प्रतियोगिता सगरमाथाको फेदमा आयोजना हुने भएको छ ।
बाह्रखरी मिडिया प्रालिले काठमाडौंमा पत्रकार सम्मेलन गरी प्रतियोगिताको बारेमा जानकारी दिएको हो ।
प्रतियोगिता दुई चरणमा हुनेछ । पहिलो चरणको खेल २० अक्टोबरमा चार हजार २५० मिटर उचाइमा रहेको कोङ्देरीमा खेलाइनेछ ।
पहिलो चरणमा ४० बढी कर्पोरेट गल्फरले एक पार-३ कोर्षमा प्रतिस्पर्धा गर्नेछन् । दोस्रो चरणमा, सबै गल्फरले अक्टोबर २६ मा काठमाडौंको गोकर्ण सफारी रिसोर्टमा बाँकी रहेका १७ होल खेल्नेछन् ।
दुई चरणमा गरी करिब सय गल्फरले प्रतिस्पर्धा गर्ने बताइएको छ ।
