१३ असोज, काठमाडौं । मुगुको सोरु गाउँपालिकाका प्रमुख प्रशासकीय अधिकृत परशुराम उपाध्यायमाथि अज्ञात समूहले सोमबार दिउँसो आक्रमण गरेको छ ।
५/६ जनाको नकावधारी समूहले गमगढीबाट कार्यालय जानेक्रममा अन्दाजी १ बजेको समयमा सोरु गाउँपालिका-७ सिप गाउँमा उपाध्यायमाथि आक्रमण भएको जिल्ला प्रहरी कार्यालय मुगुका प्रहरी निरीक्षक लालबाबु ऐरले जानकारी दिए ।
टाउकोमा गम्भीर चोट लागेका उपाध्यायलाई गमगढीस्थित अस्पतालमामा प्राथमिक उपचारपछि थप उपचारका लागि सेनाको हेलिकप्टर मार्फत नेपालगन्ज मेडिकल कलेज शिक्षण अस्पताल कोहलपुर लगिएको उनले बताए । कुटपिट गर्ने समूहको खोजी कार्य भइरहेको प्रहरी निरीक्षक ऐरले जानकारी दिए ।
