२४ असोज, काठमाडौं । उत्तरी आयरल्याण्डको युरोकप २०२० का लगि छनोट यात्रामा नेदरल्याण्डले धक्का दिएको छ ।
एक गोलले अग्रता लिइसकेको आयरल्याण्डलाई रोक्दै नेदरल्याण्ड्सले ३–१ को जित निकालेको छ ।
नेदरल्याण्ड्सको घरेलु मैदानमा भएको खेलमा आयरल्याण्डले ७५ औं मिनेटमा जोस म्यागनिसको गोलबाट अग्रता लिएको थियो । तर पाँच मिनेटपछि नै मेम्फिस डिपेयले बराबरी गोल फर्काए । बाँकी दुई गोल भने इन्जुरी टाइममा भयो ।
इन्जुरी टाइमको पहिलो मिनेटमा लुक डिजोङले गोल गरे भने चौथो मिनेटमा डिपेयले । जितसँगै नेदरल्याण्ड ५ खेलबाट १२ अंकका साथ समूह सीको शीर्ष स्थानमा उक्लिएको छ ।
समान अंक जोडेको जर्मनी गोल अन्तरका आधारमा दोस्रो र उत्तरी आयरल्याण्ड तेस्रो स्थानमा छन् ।
