२५ असोज, काठमाडौं । सवारीसाधनको ठक्करबाट गम्भीर घाइते नेपाल खबरका सम्पादक कृष्ण ढुंगानाको स्वास्थ्यमा सुधार आएको छ ।
त्रिपुरेश्वरस्थित सडकको जेब्राक्रमसबाट बाटो काट्दै गर्दा ढुंगानालाई बिहीबार साँझ बा.३३प २३७ नम्बरकाे मोटरसाइकलले ठक्कर दिएको थियो । ठक्करबाट गम्भीर घाइते ढुंगानाको टाउकोमा चोट लागेको छ ।
घाइते ढुंगानाको राष्ट्रिय ट्रमा सेन्टरको सघन उपचार कक्ष (आईसीयू) मा राखेर अहिले उपचार भइरहेको छ। उनको बिहीबार राति शल्यक्रिया गरेर मस्तिष्कमा जमेको रगत निकालिएको र अवस्था सुधार भएको उनकी पत्नी स्मिता पौडेलले अनलाइनखबरलाई जानकारी दिइन् । पौडेलका अनुसार, सिटी स्क्यान र रगतको रिपोर्ट पनि राम्रो आएको छ ।
