Comments Add Comment

अध्यक्ष रिसाएपछि एनआरएनएले गर्‍यो दोहोर्‍याएर पत्रकार सम्मेलन

२७ असोज, काठमाडौं । आफू नआउँदै पत्रकार सम्मेलन गरेको भन्दै गैर आवासीय नेपाली संघ (एनआरएनए) का अध्‍यक्ष भवन भट्ट रिसाएपछि एनआरएनएले सोमबार नै दोस्रो पटक पत्रकार सम्मेलन गरेको छ ।

सोमबार बालुवाटारस्थित कार्यालयमा पहिले उपाध्यक्ष कुमार पन्त, महासचिव बद्री केसीसहितका पदाधिकारी सहभागी भएर पत्रकार सम्मेलन गरेका थिए । उक्त पत्रकार सम्मेलन सकिएपछि अध्यक्ष भवन भट्ट आइपुगेका थिए ।

आफूलाई नकुरी पत्रकार सम्मेलन गरिएको भन्दै आक्रोशित अध्यक्ष भट्टले दोस्रो पत्रकार सम्मेलन सुरू गरेका छन् । पुनर्निर्माण  प्राधिकरणसंग लाप्राकको बस्तीका विषयमा छलफलका कारण पहिलो पत्रकार सम्मेलन भन्दा ४५ मिनेट ढिला अध्यक्ष भट्ट पत्रकार सम्मेलनमा आइपुगेका थिए ।

जतिबेला ‍औपचारिक पत्रकार सम्मेलन सकिएर पत्रकारहरु धेरैजसो बाहिरिसकेका थिए भने केही खाजा खाँदै थिए ।

पत्रकारहरुको अध्यक्षसंग जिज्ञासा हुन सक्ने भन्दै फेरि पत्रकार सम्मेलन गरिएकाे भट्टले बताए ।

यो खबर पढेर तपाईलाई कस्तो महसुस भयो ?

Advertisment