२०७६ असोज २९ गते ७:३६ 
२९ असोज, काठमाडौं । घरेलु टोली स्विडेनसँग १–१ गोलको बराबरी खेलेसँगै स्पेन युरो कप २०२० को लागि छनोट भएको छ ।
मंगलबार राति समूह ‘एफ’ को खेलमा स्पेनले घरेलु टोली स्विडेनसँग अन्तिम समयमा गोल गर्दै १–१ गोलको बराबरी खेलेको हो । स्पेनलाई युरोकपमा छनोट गराउन रोड्रिगोले गोल गरे । यता, स्विडेनका लागि भने मार्कुस बेर्गले गोल गरे ।
पहिलो हाफमा गोलरहित बराबरी खेलेको स्विडेनले खेलको ५० औं मिनेटमा मार्कुसको गोलबाट अग्रता लिएको थियो । जितनजिक पुगेको स्विडेन अन्तिम समयमा गोल खान पुग्यो । खेलको अतिरिक्त समयमा रोड्रिगोल गोल गर्दै १–१ गोलको बराबरी दिलाए ।
आठ खेलबाट ६ खेलमा जित र दुई खेलमा बराबरी खेलेको स्पेन दुई खेलअघि नै युरो कपमा छानिएको हो ।
प्रतिक्रिया 4