२९ असोज, काठमाडौं । अख्तियार दुरुपयोग अनुसन्धान आयोग बुटवलको टोलीले ६ हजार घुस सहित मालपोत कार्यालयका दुई कर्मचारीलाई पक्राउ गरेको छ ।
अख्तियारले भूमिसुधार तथा मालपोत कार्यालयका खरिदार सूर्यप्रसाद मिश्रा र दुर्गाप्रसाद चौधरीलाई घुससहित पक्राउ गरेको हो । मोही जग्गा नामसरी गरिदिने भन्दै सेवाग्रहीसंग घुस लिएका उनीहरु भुमिसुधार कार्यालयमा रंगेहात फेला परेका थिए ।
दुबैजना अख्तियारको बुटवल कार्यालयको हिरासतमा छन् ।
