१० कात्तिक, काठमाडौं । जर्मन क्लब बायर्न म्युनिखले हिन्दू नेपालीहरुको चाड तिहारको शुभकामना दिएको छ ।
बायर्न म्युनिखको आधिकारिक फेसबुक पेजबाट नेपालीलाई ‘ह्पाप्पी तिहार’ भन्दै शुभकामना सन्देश दिएको छ । बायर्नले भनेको छ, ‘हाम्रा सम्पूर्ण नेपाली समर्थकलाई तिहारको शुभकामना छ ।’
बुन्डेस लिगा फुटबलमा बायर्नले शनिबार राति मात्रै युनियन बर्लिनलाई २–१ गोलअन्तरले पराजित गर्दै शीर्ष स्थानमा उक्लिएको थियो । बायर्नले ९ खेलबाट पाँच खेलमा जित, तीन खेलमा बराबरी र एक खेलमा हार ब्यहोर्दै १८ अंक बनाएको छ ।
