१७ कात्तिक, काठमाडौं । इटालियन सिरि ए फुटबलमा युभेन्टसले टुरिनोलाई १–० गोलअन्तरले पराजित गरेको छ ।
शनिबार विहान भएको खेलमा युभेन्टसले म्याथिज डि लिग्टको गोलमा टुरिनोलाई पराजित गरेको हो । पहिलो हाफमा गोलरहित बराबरी खेलेको युभेन्टसले दोस्रो हाफमा गोल गर्दै जित निकाल्न सफल भयो ।
खेलको ७०औं मिनेटमा सेन्टर ब्याक डि लिग्टले गोल गर्दै युभेन्टसलाई अग्रता दिलाए । क्रिष्टियानो रोनाल्डो आबद्ध टिम युभेन्टसले बाँकी समयमा टुरिनोलाई रोक्दै जित हात पारेको हो ।
११ खेलबाट ९ खेलमा जित र दुई खेलमा बराबरी खेलेको युभेन्टसले २९ अंक बनाएको छ ।
