१९ कात्तिक, काठमाडौं । ललितपुर जिल्लाव्यापी दोस्रो मेयर कप टेबलटेनिस प्रतियोगिता कात्तिक २३ गतेदेखि हुने भएको छ ।
ललितपुर जिल्ला टेबलटेनिस संघ र इतिल्हन युथ क्लबको संयुक्त आयोजनामा हुने प्रतियोगितामा करिब ४ सय खेलाडीले विभिन्न १२ स्पर्धामा प्रतिस्पर्धा गर्नेछन् ।
कुल नगद पुरस्कार राशी १ लाख १४ हजार रुपैयाँ रहेको प्रतियोगिताका खेलहरु नाग बहालमा हुने छ । प्रतियोगिता सञ्चालन गर्न करिब ८ लाख ५० हजार रुपैयाँ खर्च हुने आयोजकले जनाएको छ । त्यसमा वडा ६ ले २ लाख रुपैयाँ सहयोग गर्ने वडा ६ का अध्यक्ष निर्मलरत्न शाक्यले जानकारी दिए ।
