२०७६ कात्तिक २९ गते ७:५० 
२९ कात्तिक, काठमाडौं । युरो कप छनोटमा यसअघि नै प्रवेश गरिसकेको फ्रान्स माल्डोभाविरुद्धको खेलमा पनि विजयी भएको छ । बिहीबार राति घरेलु मैदानमा भएको खेलमा फ्रान्सले माल्डोभालाई २-१ गोल अन्तरले पराजित गर्न सफल भयो ।
फ्रान्सको जितमा राफेयल भराने र ओलिभर जिराउडले गोल गरे । माल्डोभाका लागि भने भडिम लटाले गोल गरेका थिए ।
लटाले खेलको नवौ मिनेटमा गोल गर्दै माल्डोभालाई अग्रता दिलाएका थिए । तर खेलको ३५औं मिनेटमा भरानेले गोल गरेपछि फ्रान्सले पहिलो हाफसम्म १-१ गोलको बराबरी खेलेको थियो ।
खेलको ७८ औ मिनेटमा ओलिभर जिराउडले पेनाल्टीबाट गोल गरेपछि फ्रान्स २-१ अन्तरले विजयी भएको हो ।
समूह ‘एच’ को मा रहेको फ्रान्सले ९ खेलबाट २२ अंक बनाएको छ ।
प्रतिक्रिया 4