३ मंसिर, काठमाडौैं । नेत्रविक्रम चन्द विप्लव समूहका नेता कृष्ण धमला गम्भीरले पार्टी छोडेका छन् ।पार्टीको विभिन्न मोर्चामा काम गर्दै आएका गम्भीरले मंगलबार प्रेस विज्ञप्ति जारी गरी आफू स्वतन्त्र वामपन्थी भएको उल्लेख गरेका छन् ।
विप्लवको पोलिट व्यूरो सदस्यको जिम्मेवारीसम्म पुगेका गम्भीर पछिल्लो केही समय निष्कृय जस्तै थिए । केही समयअघि काठमाडाैंमा घर किनेको भनदै गम्भीरलाई पार्टीले घटुवा गरेको थियो । त्यसयता उनी निस्कृय भएका हुन् ।
गम्भीर प्रचण्ड नेतृत्वको माओवादीमा हुँदा सुर्खेत जिल्ला इञ्चार्ज, भेरी-कर्णाली सदस्य तथा केन्द्रीय आयोजक समिति सदस्यको जिम्मेवारीमा समेत थिए ।
२०३५ /०३६ देखि राजनीतिमा सकृय भएका धमला सुर्खेतको कम्युनिस्ट आन्दाेलनका सँस्थापक मानिन्छ ।
