८ मंसिर, वीरगञ्ज । सडकको नाला बनाउने काममा खटाइएका तीन बालकको वीरगञ्जमा उद्धार गरिएको छ । वीरगञ्ज महानगरपालिका २४ रामगढवामा नाला बनाउने काममा खटाइएका तीन जना बालकको नगर प्रमुख विजय कुमार सरावगीसहितको टोलीले उद्धार गरेको हो ।
भारतको बिहार राज्य अन्तर्गत गंगापुर भेलाही घर भएका १४, १५ र १६ बर्षका बालकलाई ठेकेदारले सडक बनाउने काममा खटाएको स्थानबाटै उद्धार गरिएको वीरगञ्ज महानगरपालिकाका बालमैत्री फोकल पर्सन मुकेश गुप्ताले जानकारी दिए ।
उनीहरूलाई उद्धार गरेर महानगरपालिका र आवर संसारद्वारा सञ्चालित बाल हेल्पलाइनमा राखिएको छ । उनीहरूको अभिभावक खोजेर जिम्मा लगाउने महानगरपालिकाको तयारी छ ।
