२० मंसिर, काठमाडौं । काठमाडौंको बानेश्व्रमा रहेको आइप्लेस मलमा फूड गार्डेन सञ्चालनमा आएको छ । पूर्ण पारिवारिक वातावरणका साथ शुक्रबार आइप्लेक्स मलको चौथो तल्लामा फूड गार्डेन सञ्चालनमा आएको हो ।
शुक्रबार आयोजित एक कार्यक्रमकाबीच नेपालकै पहिलो महिला टेम्पो चालक तथा सफल उद्यमी लक्ष्मी शर्माले फूड गार्डेनको उद्घाटन गरिन् । फूड गार्डेन युवा उद्यमी रेनेशा राईले सञ्चालनमा ल्याएकी हुन् ।
शुक्रबार आयोजना गरिएको उद्घाटन कार्यक्रममा बोल्दै सञ्चालक राईले परिवार बसेर सौहाद्र्ध पूर्ण वातावरण खानका लालगि फूड गार्डेन सञ्चालनमा ल्याएको जानकारी दिइन् । मलको चौथो तल्लामा रहेको फूड गार्डेन प्राकृतिक जस्तै देखिन फुल, बोटविरुवा तथा पानी (झरना) ले सजाइएको छ ।
धुम्रपान तथा मद्यपान निषेध गरिएको उक्त गार्डेन परिवारलाई लक्षित गरेर सञ्चालनमा ल्याइएको सञ्चालक राईलले बताइन । गार्डेनमा बालबालिकाहरुलाई खेल्नका लागि ठाउँ समेत बनाइएको छ । बालबच्चसँगै त्यहाँ जादा बच्चाहरुले खेलको भरपुर मज्जा समेत लिन सक्नेछन् ।
राईले छिटो, मिठो, स्वस्थ र स्वादिष्ट परिकारहरु गार्डेनमा उपलब्ध हुने बताइएकी छिन् । गार्डेनको औपचारिक शुभारम्भ गर्दै प्रथम टेम्पे चालक शर्माले पारिवारिक वातावरणसहितको फुड गार्डेन सञ्चालनमा आउनु ज्यादै खुसीको कुरा भएको बताइन् । उनले उद्यमशिलतामा सक्रियता देखाएको भन्दै सञ्चालक राईको प्रशंसासमेत गरिन् ।
गार्डेनका परिकारहरु एयरलाइन्सहरुमा समेत बिक्री गर्न शर्माले सञ्चालकलाई सुझाव दिएकी छिन् । ‘यहाँको परिकारहरु नेपालल एयरलाइन्समा पनि पुगोस, विभिन्न हेलिकप्टर तथा जहाजमा फूड गार्डेनका परिकार उपलब्ध होस्’ उनले भनिन्, ‘यसका लागि एयरलाइन्सले प्रपोजल मागेका बेला प्रपोजल हाल्नुहोला ।’
