२९ मंसिर, काठमाडौं । जिल्ला प्रहरी कार्यालय, भोजपुरको कार्यालय भवनको प्रहरी महानिरीक्षक सर्वेन्द्र खनालले उद्घाटन गरेका छन् । सरकारको नियमित बजेटबाट नवनिर्मित भवनको आइतबार भोजपुर पुगेर खनालले उद्घाटन गरेका हुन् ।
भोजपुर प्रहरीका अनुसार भवन निर्माणका लागि २८ जेठ ०७४ मा किराँतेश्वर–ओम जाम्बियोङ जेभी काठमाडौंसँग सम्झौता भएको थियो । जसअनुसार ४ करोड ८२ लाख रुपैयाँको लागतमा भवन बनाइएको हो ।
भवन निर्माणको पहिलो चरणमा आरसीसी फ्रेममा ११ हजार ६ सय २५ वर्ग फिट फ्लोर क्षेत्र भएको तीन तले कार्यालय भवन तयार भएको छ ।
साथै, परिचालन कक्ष, कार्य शाखा, अपराध अनुसन्धान शाखा, उजुरी छानबिन शाखा, प्रबन्ध शाखा, सामुदायिक शाखा र भिन्दाभिन्दै महिला तथा पुरुष हिरासत कक्ष लगायतको व्यवस्था गरिएको छ ।