२०७६ पुष ७ गते ८:१३ 
७ पुस, काठमाडौं । स्पानिस ला लिगाअन्तर्गत गएराति भएको खेलमा रियल मड्रिडले एथ्लेटिक विल्वाओसँग बराबरी खेलेको छ ।
चार दिनअघि एल क्लासिकोमा बार्सिलोनासँग बराबरी खेलेको रियल विल्वाओसँग पनि गोलरहीत बराबरीमा रोकिएको हो ।
यससँगै रियलले बार्सिलोना समान अंक जोड्दै वर्षको अन्त्य गर्ने मौका गुमायो । सन् २००६ यता रियलले पहिलो पटक लगातार दुई खेल गोलरहित बराबरी खेलेको हो ।
१८ खेलबाट रियलले ३७ अंक जोडेको छ । रियल बराबरी हुँदा शीर्ष स्थानको बार्सिलोनालाई फायदा पुगेको छ । समान खेलबाट ३९ अंक जोडेको बार्सिलोनाले २ अंक अगाडि रहेर वर्ष २०१९ अन्त्य गर्दैछ ।
प्रतिक्रिया 4