१५ पुस, पोखरा । गुरुङ समुदायको ठूलो पर्व ‘तमु ल्होसार/ल्होछार’ मंगलबार भव्य रुपमा मनाइएको छ । मृग वर्गलाई बिदाइ र मुसा वर्गको स्वागतमा गुरुङ समुदायले आआफ्नो पायक पर्ने ठाउँमा भेला भई खुसियाली मनाएका छन् ।
काठमाडौंमा रहेका गुरुङ समुदाय भने टुँडिखेलमा भेला भएका थिए । उनीहरुले आफ्नो जातीय पोशाकका साथै विभिन्न परम्परागत गरगहना लगाएर मेला र र्यालीमा सहभागी भए । ल्होसार मनाउन आएका महिला र युवतीहरुले हाल लोप हुने अवस्थामा पुगेका पुराना गरगहना लगाएका थिए ।
युवतीहरु परम्परागत जातीय पोशाक, घाँटीमा लगाउने परम्परागत मालादेखि शिरबन्दी, कानमा ढुंग्री, गलामा नौगेडी, जन्तरजस्ता पुराना गहनादेखि आधुनिक गरगहनासम्ममा सजिएका थिए ।
हेर्नुस् तस्वीरहरु
