२० पुस, काठमाडौं । नेपालमा बसेर अवैध गतिविधि गरिरहेको आरोपमा पक्राउ गरिएका १ सय २२ जना चिनियाँ नागरिकको बयान जारी छ ।

आइतबार जिल्ला प्रशासन कायालयमा उनीहरुको बयान लिन थालिएको हो ।

काठमाडौंका सहायक प्रमुख जिल्ला अधिकारी कृष्णबहादुर कटुवालले चिनियाँ नागरिकको बयान लिने काम भइरहेको अनलाइनखबरलाई बताए ।

नेपाल प्रहरीको केन्द्रीय अनुसन्धान ब्युरो (सीआईबी), महानगरीय अपराध अनुसन्धान महाशाखा र काठमाडौं प्रहरी परिसर टेकुले ७ पुसमा संयुक्त अपरेशन चलाएर उनीहरुलाई पक्राउ गरेको थियो ।

यो पनि पढ्नुहोस कहाँ भागे चिनियाँ गिरोहका नाइके ?

सम्भवतः प्रमुख जिल्ला अधिकारी जनकराज दाहालले आइतबारबाटै चिनियाँ नागरिकको कसुरमाथिको आदेश सुनाउने प्रशासन कार्यालयका अधिकारीहरु बताउँछन् । बयानपछि थुनछेक बहस हुनेछ ।

यो पनि पढ्नुहोस चिनियाँ नागरिकले भरिए हिरासत

प्रहरीले चिनियाँ नागरिक साइबर अपराधमा संलग्न रहेको दाबी गरे पनि उनीहरुमाथि अभद्र व्यवहारको अभियोगमा मुद्दा चलाइएको छ ।