२१ पुस, काठमाडौं । एकातिर कप्तानसहित सात खेलाडी लैजानु, अर्कोतिर उपाधि होडमा कडा प्रतिस्पर्धा ।
शहीद स्मारक ए भिडिजन लिग फुटबलमा सोमबार मनाङ मस्र्याङ्दी र मच्छिन्द्र क्लब आमनेसामने हुँदा उपाधिसँगै प्रतिष्ठाको पनि लडाइँ थियो । दशरथ रंगशालामा भएको खेल प्रतिस्पर्धात्मक रह्यो । पहिलो हाफको दोस्रो मिनेटमै मनाङले जसरी अप्रत्यासित रुपमा अग्रता लियो, मच्छिन्द्रले पनि दोस्रो हाफको पहिलो मिनेटमा नै बराबरी गोल फर्कायो ।
खेलको ८१ औं मिनेटमा मच्छिन्द्रले २(१ को अग्रता बनायो तर निर्धारित समय सकिनै लाग्दा जोगाउन सकेन । रेफ्रीले खेल सकिएको जनाउ दिने सिठ्ठी फुके खेल २-२ गोलको को बराबरीमा सकियो । तर दुई टिमको लडाइँ सकिएको रहेनछ । त्यसैले दुबै टिमका खेलाडी आपसमा झगडा गर्न थाले ।
मछिन्द्रका देवेन्द्र तामाङलाई सम्हाल्न खेलाडी तथा अफिसियललाई हम्मेहम्मे परेको थियो । त्यसक्रममा मनाङका अशोक बरालले रातो कार्ड समेत पाएका छन् ।
