२२ पुस, गुल्मी । गुल्मीमा डिभाइन युथ क्लवले विद्यार्थीहरुलाई न्यानो कपडा वितरण गरेको छ । रेसुङ्गा नगरपालिका-४ को जनहित प्राविमा पढ्ने विद्यार्थीहरुलाई न्यानो कपडा विरतण गरेको हो ।
विद्यालयमा पढ्ने २१ जना असहाय अशक्त विद्यार्थीहरुलाई रेसुङ्गा नगरपालिका-४ का वडाध्यक्ष एवम् विद्यालय व्यवस्थापन समितिका अध्यक्ष विजयकुमार मरासिनीमार्फत सुइटर र टोपी वितरण गरिएको हो ।
कपडा वितरणपछि बोल्दै अध्यक्ष मरासिनीले स-साना विद्यार्थीहरुको लागि चिसो बढी रहेको बेला यसरी सहयोग गरेकोमा धन्यवाद समेत दिए ।
डिभाइन युथ क्लवमा रहेका पदाधिकारीहरुले आफूले खाजा खाने रकमबाट बचाएर समाजमा केही गर्नु पर्छ भन्ने उद्देश्यले विद्यार्थीहरुलाई न्यानो कपडा वितरण गरिएको अध्यक्ष घिमिरेले बताइन् ।
