२ माघ, काठमाडौं । सरकारले नेपाल नागरिक उड्डयन प्राधिकरणको सञ्चालक समितिमा निजी क्षेत्रको प्रतिनिधित्व नगराउने निर्णय गरेको छ । हाल प्राधिकरण सञ्चालक समितिमा निजी वायु सेवा कम्पनीको तर्फबाट दुई जना सञ्चालक रहने व्यवस्था नै परिवर्तन गरेको हो ।
सञ्चार तथा सूचना प्रविधिमन्त्री गोकुल बास्कोटाले निजी क्षेत्रका प्रतिनिधिको सट्टा विज्ञ राख्ने गरी निर्णय गरिएको बताए ।
वायुसेवा सञ्चालन गर्ने संस्थाका सञ्चालक मध्येबाट मनोनीत दुई जना सदस्यको सट्टा नागरिक उड्डयन सम्बन्धमा विशेष योग्यता हासिल गरेका व्यक्तिबाट कम्तीमा एक महिलासहित दुई२ जना मनोनीत गर्ने निर्णय भएको मन्त्री बास्कोटाले जानकारी दिए ।