दीपक मनाङ्गेविरुद्ध एन्फा कास्की अध्यक्षले दिए प्रहरीमा जाहेरी

८ माघ, पोखरा । प्रदेशसभा सदस्य राजीव गुरुङ उर्फ दीपक मनाङ्गेविरुद्ध अखिल नेपाल फुटबल संघ (एन्फा) कास्कीका अध्यक्ष मिलन गुरुङले प्रहरीमा जाहेरी दिएका छन् ।

मुख्यमन्त्री कप फुटबल प्रतियोगिताको व्यवस्थापनप्रति असन्तुष्टि जनाउँदै मनाङ्गेले मंगलबार गुरुङलाई झपड हानेका थिए ।

खेलाडीहरुको खाने बस्ने व्यवस्था आफूले मात्र नभइ कमिटीले नै गर्ने विषय भएको तर सांसद मनाङ्गेले वार्ता गर्नुको साटो खेल मैदानमा नै कुटपिट गरी अभद्र व्यवहार गरेको भन्दै जाहेरीमा मुलुकी फैजदारी संहिता २०७४ को दफा ११८ को कसुरमा कारबाही माग गरिएको छ ।

जिल्ला प्रहरी कार्यालय कास्कीका प्रमुख तथा एसपी दानबहादुर कार्कीले जाहेरी आइसकेको तर दर्ता हुन बाँकी रहेको बताए । ‘कानूनी प्रक्रिया सुरु भइसक्यो । अब कानून बमोजिम कारबाही प्रक्रिया अगाडि बढाउँछौं,’ उनले भनेका छन् ।

यो पनि पढ्नुहोस