Comments Add Comment

मालपोत कार्यालय साँखुका नायव सुब्बाविरुद्ध भ्रष्टाचारको मुद्धा

८ माघ, काठमाडौं । ५५ हजार रुपैयाँ घुस लिएको आरोपमा काठमाडौंको साँखुस्थित मालपोत कार्यालयका नायव सुब्बा रामेश्वर कुईंकेल र लेखापढी व्यवसायी श्रीराम सापकोटाविरुद्ध विशेष अदालत काठमाडौंमा मुद्धा दायर भएको छ ।

नायव सुब्बा कुईंकेलले लेखापढी व्यवसायी सापकोटासँग दृष्टी बन्दकको लिखत पास गरे बापत उक्त रकम घुस लिएको आरोपमा अख्तियार दुरुपयोग अनुसन्धान आयोगले दुवै जनाविरुद्ध बुधबार मुद्धा दायर गरेको हो ।

टङ्गालबाट खटिइएको आयोगको टोलीले सापकोटासँग घुस लिइसकेको अवस्थामा दुवै जनालाई नियन्त्रणमा लिएर अनुसन्धान अघि बढाएको थियो ।

अनुसन्धानको क्रममा कुईंकेलले सापकोटासँग घुस लिएको र सापकोटाले पनि उक्त कार्यका लागि घुस दिएको पुष्टि हुन आएकोले दुवै जना विरुद्ध मुद्धा दायर गरिएको आयोगका प्रवक्ता प्रदीपकुमार कोइरालाले जानकारी दिए ।

यो खबर पढेर तपाईलाई कस्तो महसुस भयो ?

ट्रेन्डिङ

Advertisment