२३ माघ, काठमाडौं । चीनको वुहानमा एक नवजात शिशुलाई कोरानो भाइरस संक्रमण भएको पुष्टि भएको छ । उनी कोरानोबाट संक्रमित हुने सबैभन्दा कम उमेरका व्यक्ति भएको चिनियाँ सञ्चार मध्यमले जनाएको छ ।
हुबे प्रान्तको वुहानमा कोरोना भाइरस संक्रमण भएकी आमाले मंगलबार शिशुलाई जन्म दिएकी थिइन् । बच्चालाई जन्मिएको ३० घन्टामा नै कोरोना संक्रमण भएको पाइएको थियो । तर उनलाई गर्भावस्थामै भाइरस सरेको हो वा जन्मिएपछि सरेको हो भन्ने प्रष्ट भएको छैन ।
चिकित्सकहरुले भने गर्भमा नै उनलाई संक्रमण भएको हुनसक्ने आशंका गरेका छन् ।
३.३५ किलो तौल भएका शिशु चिकित्सकको निगरानीमा छन् र उनको अवस्था स्थीर छ ।
