२९ माघ, काठमाडौं । काठमाडौंको दरबारमार्गबाट स्कुटर चोरी गरेर लैजाँदै गरेको अवस्थामा कलंकीबाट एक जना पक्राउ परेका छन् ।
पक्राउ पर्नेमा गोर्खाको सुलीकोट गाउँपालिका–१ का मिलन न्यौपाने रहेका छ्न् ।
स्कुटर धनीले आफ्नो स्कुटर चोरी भएकोबारेमा महानगरीय प्रहरी वृत्त दरबारमार्गमा खबर गरे लगत्तै उनी मंगलबार राति कलंकी चोकमा पक्राउ परेका हुन् ।
कलंकी चोकमा चेकजाँज गर्ने क्रममा न्यौपानेलाई बा.४८प ६१८६ नम्बरको स्कुटरसहित पक्राउ गरिएको महानगरीय ट्राफिक प्रहरी महाशाखाका प्रवक्ता एवं प्रहरी उपरीक्षक जीवनकुमार श्रेष्ठले जानकारी दिए ।
स्कुटरसहित पक्राउ परेका न्यौपानेमाथि थप अनुसन्धान भइरहेको उनले बताए ।
