२०७६ फागुन ८ गते ७:४२ 
८ फागुन, काठमाडौं । युरोपियन च्याम्पियन्स लिगको साविक उपविजेता टोटनहम हट्सपर अन्तिम १६ को पहिलो लेगमा जर्मन क्लब आरबी लेइपजिगसँग घरेलु मैदानमै पराजित भएको छ ।
बुधबार राति भएको खेलमा टिमो वेर्नरले दोस्रो हाफमा गरेको पेनाल्टी गोलमा लेइपजगिले टोनह्यामलाई १–० ले पराजित गरेको हो ।
वेम्लीमा भएको खेलको पहिलो हाफ गोलरहित बराबरीमा सकिएको थियो । तर दोस्रो हाफमा टोटनह्यामले आफ्नै गल्तिले गोल खायो । ५८औं मिनेटमा वेर्नरले पेनाल्टीमा गोल गरे । टोटनहमका बेन डेभिसले कोनार्ड लेइमरलाई फउल गरेपछि लेइपजिगले पेनाल्टी पाएको थियो र वेर्नरले त्यसमा गोलमा परिणत गरे ।
अबे मैदानमा जित हात पारेको लेइजिगलाई दोस्रो लेगअघि यो जितले फाइदा पुगेको छ । दोस्रो लेग मार्च १० मा जर्मनीमा हुनेछ ।
प्रतिक्रिया 4