Comments Add Comment

गोवाले रच्यो इतिहास, एसियन च्याम्पियन्स लिगमा छनोट हुने पहिलो भारतीय टिम

काठमाडौं । गोवा एफसी एसियन च्याम्पियन्स लिगमा छनोट हुने पहिलो भारतीय क्लब बनेको छ । इन्डियन सुपर लिग आइएसएल २०१९-२० को शीर्ष स्थानमा रहँदै गोवाले इतिहास बनाएको छ ।

१० टोली सहभागी लिगमा १८ खेलपछि गोवाले ३९ अंक जोडेको हो । आफ्नो अन्तिम लिग खेलमा गोवाले जम्सेदपुर एफसीलाई ५-० ले हरायो । जेबरडी स्पोर्ट्स कम्प्लेक्समा भएको खेलमा गोवाका लागि ह्युगो बोउमोसले दुई तथा पेरान कोरोमिनास, ज्याकिचन्द सिंह र माउटार्डा फले एक/एक गोल गरे ।

दोस्रो स्थानमा रहेको एटिकेको ३३ अंक छ । एटिकेले एक खेल खेल्न बाँकी नै छ, तर उक्त खेल जितेपनि गोवालाई भेट्ने छैन ।

नयाँ सिजनदेखि एसियन च्याम्पियन्स लिगमा भारतको आइएसएल जित्ने टिमले पनि प्रतिस्पर्धा गर्ने एफसीले यसअघि नै निर्णय गरिसकेको छ ।

२०२१ मा एसियन च्याम्पियन्स लिगमा क्लबको सखंया पनि बढाइएको छ । यसअघि समूह चरणमा ३२ टिमले प्रतिस्पर्धा गर्ने मा अब ४० टिमले प्रतिस्पर्धा गर्नेछन् ।

यो खबर पढेर तपाईलाई कस्तो महसुस भयो ?

ट्रेन्डिङ

Advertisment