काठमाडौं । सत्तारुढ नेपाल कम्युनिस्ट पार्टी -नेकपा)ले भोलि बुधबार सचिवालयको बैठक बोलाएको छ ।
संविधान संशोधनका लागि कार्यदल गठन गर्ने निर्णय विवादमा परिरहेका बेला सचिवालयको बैठक बोलाइएको हो । एक नेताकाअनुसार बैठक भोलि ११ बजे बस्नेछ ।
सचिवालयको अघिल्लो बैठकले उपाध्यक्ष बामदेव गौतमको मागअनुसार राष्ट्रियसभा सदस्य पनि प्रधानमन्त्री हुन पाउने गरी संविधान संशोधन गर्न कार्यदल बनाएको थियो ।
तर कार्यदलका सदस्यद्वय सुवासचन्द्र नेम्वाङ र खिमलाल देवकोटा दुबैले कार्यदलमा बस्न अस्वीकार गरेका छन् । संयोजक माधवकुमार नेपालले भने यसबारे बोलेका छैनन् ।
