२२ फागुन, काठमाडौं । भारत पहिलोपटक टी–२० महिला विश्वकप क्रिकेटको फाइनलमा प्रवेश गरेको छ ।
विश्वकमअन्तर्गत बिहीबार भारत र इंग्लायन्डबीच सेमिफाइनल हुने तय थियो । तर, सिड्नीको निरन्तरको वर्षाले खेल हुन सकेन । निर्धारित खेल हुन नसकेपछि समूह विजेता बनेको आधारमा भारतलाई फाइलनलमा लगिएको हो ।
भारत समूह ‘ए’ को विजेता र इंग्ल्यान्ड समूह ‘बी’को उपविजेता बन्दै सेमिफाइनल पुगेका थिए । भारतले अब उपाधिका लागि अस्ट्रेलिया र दक्षिण अफ्रिकाको विजेतासँग फाइनल खेल्नेछ।
