काठमाडौं । भारतीय लेखक आनन्द श्रीकृष्णले सिद्धार्थ गौतमको जीवन र बुद्ध दर्शनमाथि लेखेको पुस्तक ‘गौतम बुद्ध : जीवनी, उपदेश र सिद्धान्त’को नेपाली अनुवाद बजारमा आएको छ ।
युद्धले कुनै समस्याको समाधान नहुने बरु क्षमा र करुणाबाट नै सबै मानवीय समस्या समाधान हुने कुरालाई पुस्तकमा जोड दिइएको पुस्तकमा बुद्धका मुख्य उपदेश र सिद्धान्तलाई सरलीकृत व्याख्या गरिएको छ ।
आम मानिसलाई गौतम बुद्धको मुख्य जीवनी थाहा भए पनि त्यसको सैद्धान्तिक र आधिकारिक घटनाक्रमहरू थाहा नभएकाले यो पुस्तक लेखिएको भारतीय लेखक श्रीकृष्णले उल्लेख गरेका छन् ।
पुस्तकलाई साहित्यकार ललिजन रावलले नेपालीमा अनुवाद गरेका हुन् । इन्डिगो इन्क प्रकाशनबाट प्रकाशित पुस्तकको मूल्य २९९ रुपैयाँ रहेको छ ।
