९ चैत, काठमाडौं । कोरोना भाइरस संक्रमणको त्रासका कारण धितोपत्र बजार पनि बन्द हुने भएको छ ।
नेपाल धितोपत्र बोर्ड सञ्चालक समितिको आइतबार बसेको बैठकले देशमा कोरोना भाइरसको त्रासबाट सिर्जित विषम परिस्थिति र नेपाल स्टक एक्सचेञ्ज लिमिटेडको परामर्श समेतलाई मध्यनजर गरी नेपाल स्टक एक्सचेन्जलाई चैत १० देखि ५ दिनसम्म कारोबार बन्द गर्न आदेश दिएको हो ।
लगानीकर्ताहरुको हकहित प्रवद्र्धनका लागि धितोपत्र बजारमा भइसकेका कारोबारको नियमानुसार राफसाफ तथा फछ्र्यौट गरेपछि बजार बन्द गराउन आदेश दिएको बोर्डका प्रवक्ता निरज गिरीले विज्ञप्तिमार्फत जानकारी दिएका छन् ।
