१० चैत, काठमाडौं । फ्रान्सबाट आएकी एक जना १९ वर्षीया युवतीमा कारोना भाइरस (कोभिड १९) को संक्रमण पुष्टि भएपछि सरकारले उनको ‘ट्राभल हिस्ट्री’ खोज्न थालेको छ ।

स्वास्थ्य मन्त्रालयका अधिकारीहरुको टोलीले युवतीको घरमा पुगेर पनि त्यसबारे जानकारी लिएको छ । स्वास्थ्य मन्त्रालयका प्रवक्ता विकास देवकोटाले युवतीले विगतमा भेटेका व्यक्तिहरुबारे जानकारी संकलन गर्न प्राविधिक टोली परिचालन भइसकेको अनलाइनखबरलाई बताए ।

उनका अनुसार ती युवतीले भेट गरेका व्यक्तिहरुलाई क्वारेन्टाइनमा राखिनेछ । विमानमा सवार व्यक्तिहरुलाई पनि क्वारेन्टाइनमा राख्नु आवश्यक हुने उनले जनाए । ‘प्राविधिक टोलीको सुझाव अनुसार के गर्ने भन्ने निर्क्यौल हुन्छ’, देवकोटाले भने ।

सोमबार दिउँसो पत्रकार सम्मेलन गरेर स्वाथ्यमन्त्री भानुभक्त ढकालले १९ वर्षीया युवतीमा कोरोना संक्रमण देखिएको सार्वजनिक गरेका थिए ।

यो पनि पढ्नुहोस नेपालको कोरोना पुष्टिमा भियतनाम कनेक्सन

यो पनि पढ्नुहोस ‘उहाँ १९ वर्षे महिला हुनुहुन्छ, सम्पर्कमा रहेका व्यक्तिको खोजी गर्छौं’