१२ चैत, धनगढी । कैलालीको धनगढी स्थित शैलेश्वरी आयुर्वेदिक मेडिकल हलले अवैध सेनिटाइजर बिक्री गरेको पाइएको छ ।
वाणिज्य आपूर्ति तथा उपभोक्ता संरक्षण कार्यालयले मेडिकल हललाई अवैध सेनेटाइजर बिक्री गरेको भन्दै २० हजार जरिवाना गराइएको छ।
शैलेश्वरी आयुर्वेदिक मेडिकललाई उपभोक्ता संरक्षण ऐन २०७५ को दफा ३८ को खण्ड ‘ख’ बमोजिम कसुर गरेको कार्यालयले जनाएको छ।
मेडिकल हलले ७ दिनभित्र तोकिएको जरिवाना बुझाउन निर्देशन दिएको वाणिज्य आपूर्ति तथा उपभोक्ता संरक्षण कार्यालय कैलालीका प्रमुख कमल बहादुर पुन मगरले बताए ।
