१९ चैत, काठमाडौं । कोरोना भाइरसको महामारी रोकथामका लागि सरकारको आग्रहमा नेपालीहरु घरभित्रै बसिरहेका छन् ।
अस्पताल जान र उपभोग्य सामान किन्नबाहेक घरबाहिर ननिस्कन सरकारले गरेको आग्रहको पालना सर्वसाधारणले गरिरहेका छन् । धेरै दिनसम्म घरबाहिर ननिस्किई बसिरहनु धेरै नेपालीका लागि नयाँ अनुभव हो ।
अझ खेल खेल्न देश विदेश गइरहने, दैनिक अभ्यासका लागि रंगशाला र कभर्ड हल गइरहने खेलाडीका लागि लकडाउनको समय गुजार्न त्यति सजिलो छैन सायद । लकडानका बेला घरमै क्वारेन्टाइनमा बसिरहेका खेलाडीहरुले के गरिरहेका होलान् ? कराते खेलाडी नवीन रसाइँलीसंग गरिएको कुराकानी:
लकडाउनमा के गरिरहनुभएको छ?
लकडाउनमा घरमै सेल्फ क्वारेन्टाइनमा बस्ने, समाचार पढ्ने अनि खेलका भिडियोहरु हेरेर बस्ने ।
कोरोनाबाट बच्न के के गरिरहनुभएको छ ?
नियमित साबुन पानीले हात धोइरहेको छु । सरसफाइमा ध्यान दिएको छु अनि अनी घरबाहिर निस्किएको छैन ।
खेल्न नपाउँदा कस्तो अनुभव भएको छ ?
नरमाइलो लागेको छ । त्यही भएर घरमै आफैँ अभ्यास गरिरहेको छु ।
धेरै फुर्सद हुँदा कस्तो हुँदो रहेछ ?
धेरै फुर्सद हुँदा पनि एकदमै गाह्रो हुने । ट्रेनिङ गरिरहने भएर होला फुर्सद हुँदा पनि दिन बिताउन गाह्रो हुँदो रहेछ ।
घरबाट बाहिर निस्कन नपाउँदा कस्तो अनुभव भएको छ ?
घरमै बसिरहनु पर्दा धेरै गाह्रो भइरहेको छ । जेलमै बसेको जस्तो हुने रहेछ । कतै जान नपाउने, भित्रको भित्रै साह्रै गाह्रो छ ।
अहिले कुन सवारी साधान चढ्नुहुन्छ ?
साधन चढ्दिन । झन् अहिले बन्द बेला छ । कहाँ जानु र !
मन पर्ने नेपाली खेलाडी ?
सुनील लामा ।
मन पर्ने विदेशी खेलाडी ?
रफायल अघायभ ।
कुन मोबाइल चलाइरहनुभएको छ ?
रेडमी ए ३ ।
आफ्नो विधाबाहेक कुन खेल र खेलाडी मन पर्छ ?
स्नुकर मन पर्छ । रोनी ओ सुलिभन मन पर्ने खेलाडी ।
कुन भिडियो गेम खेल्नुहुन्छ ?
होमस्केप भन्ने गेम खेल्छु ।
टिमको सबैभन्दा नजिकको खेलाडी को हो ?
राजीव पुडासैनी, विजय श्रेष्ठ र एन्जिला धिमाल ।
मन पर्ने गायक ?
यम बुद्ध ।
मन पर्ने फिल्म ?
फिर हेरा फेरी ।
मन पर्ने नायक ?
अक्षयकुमार ।
मन पर्ने गीत ?
तुझे कित्ना चाहने लगे कविर सिंह ।
खेलाडी नभएको भए के बन्नुहुन्थ्यो ?
खेलाडी नभएको भए म आज विदेशमा हुन्थे होला ।
अहिलेसम्मको सम्झन लायक क्षण ?
१३ औं सागमा स्वर्ण पदक जितेको क्षण ।
सबै भन्दा मिल्ने खेलाडी ?
दिवस श्रेष्ठ दाई र लक्ष्मण दाइ ।
कोही खेलाडीसंग खेल्न मन लागेको तर नपाएको ?
सुनील लामा दाइसंग खेल्न मन थियो तर पाइनँ ।
जान्नुपर्ने तर नजानेको कुरा ?
ड्राइभिङ
तत्काले सिक्न मन लागेको कुरा ?
ड्राइभिङ नै हो सिक्नुपर्ने ।
तपाईंलाई किन्न मन लागेको वा चढ्न मन लागेको सवारी साधन ?
बुलेट बाइक ।
तपाईंसंग भएको कुनै महंगो सामान ?
१३ औं सागमा जितेको गोल्ड मेडल सबैभन्दा महँगो सामान हो ।
अहिलेसम्म पाउनुभएको महंगो गिफ्ट को बाट पाएको ?
परिवारको माया र गुरुको ट्रेनिङ नै मैले पाएको सबैभन्दा महंगो गिफ्ट हो ।
