१ वैशाख, काठमाडौं । राष्ट्रिय खेलकुद परिषद् (राखेप) का सदस्य–सचिव रमेशकुमार सिलवालको पहलमा कोरोना भाइरस (कोभिड १९) का कारण कठिनाइमा परेका दैनिक मजदुरी गरी गुजारा चलाउँदै आएका मजदुर, अपांग, एकल महिला, गरिब र विपन्न परिवारलाई सोमबार राहतस्वरूप खाद्य सामग्री प्रदान गरिएको छ ।
सदस्य–सचिव सिलवालको अनुरोधमा द्वारिका होटल र नोबेल कलेजले काठमाडौं महानगरपालिका–९ का ६ सय परिवारलाई राहतको व्यवस्था मिलाएको हो ।
लक्षित वर्गलाई चामल, नुन, तेल, दाल, गेडागुडी र चिउरा प्रदान गरिएको राखेपले जनाएको छ ।
वडा पदाधिकारीको उपस्थितिमा सदस्य–सचिव सिलवाल, नोबेलका अध्यक्ष नवराज पाण्डे, वडाध्यक्ष रामकृष्ण श्रेष्ठलगायतले बत्तीसपुतलीस्थित गोल्डेनगेट इन्टरनेसनल कलेजको हातामा राहत वितरण गरे । गत शुक्रबार पनि सदस्य–सचिव प्रमुख कार्यकारी अधिकृत रहेको शैक्षिक संस्था गोल्डेनगेट र सदस्य–सचिव सिलवाल नै अध्यक्ष रहेको संस्था हिसान तथा त्रिकृति कोलोनीले वडा ९ कै ५ सय ५० परिवारलाई राहत सामग्री वितरण गरिएको थियो । त्यसमा ४ सय राहत सामग्री गोल्डेनगेटको थियो ।
